Tilkynning!
Curly er í páskafríi á Hawaii um þessar mundir, sendi mér heillaskeyti og harmaði það sem kom fyrir Jesú. Ég vona að allir séu búnir að frétta það. Hræðilegt alveg.
Hún mun semsagt ekkert skrifa í smá tíma, eða eins og Joni Mitchell orðaði það: "until my skin turns brown, then I'm coming home ... to California".
Hún bað mig samt um að koma því áleiðis til lesenda að á Hawaii eru skornir magavöðvar dottnir úr tísku, sem og sítt hár - bæði verður það salt, þurrt og skemmt í sólinni, og flækist fyrir þegar maður annað hvort brimbrettast eða klifrar í pálmatrjám til að ná í kókoshnetur. Hins vegar er brúnt hörund, húðflúr, freknur, væg blótsyrði, samlokufarsímar, stinnir upphandleggsvöðvar, kvartbuxur, tunguhringir, tófú og sjálfshjálparbækur allt mjög heitir hlutir á Hawaii.
Ávallt í viðbragðsstöðu,
Ulrika Schmidt
í enskunámi í Saratoga
5 Comments:
Eftir því sem ég best veit, og þrátt fyrir að heimildirnar séu óáreiðanlegar (og minnisgloppur stór hluti persónuleika míns þegar ég ekki þjáist af ranghugmyndum og ofsóknarbrjálæði) þá veit ég það ansi vel, þá voru síðustu orð Jesúsar eftirfarandi: „Búið um hnúta á þann veg að íslenska þjóðin muni aldregi geta fallbeygt nafn mitt rétt, og minnist þið píslar minnar með því að dýrka og eta súkkulaðiskurðgoð, í bland við fuglsunga og/eða nagdýr að eigin vali.“
Legg ég á og mæli svo um. Bestu páskakveðjur,
Dr. Anadl Rizdla
Ég vil fá klámfegnari færslur!! Ég veit að þú ert eins og ég, þú vilt ekki hafa lífið bragðdauft, við kjósum það sem er kallað "saurugt".
Dr. Love á Brisso Fm 957
Þér er ég hjartanlega sammála, Dr.Love. Það er hún Ulrika sem ritskoðar allt sem ég segi, mitt bréf til hennar var uppfullt af svæsnum hlutum, ég fjallaði einmitt mikið um kúk í bréfinu (sem ég neita að kalla hinu euphemíska nafni "hægðir") því kókosmjólkin hefur mýkt hann allmikið upp og er ég því meira og minna svamlandi í sjónum allan daginn með slakan hringvöðvann eins og stóðhestur í spásseríistúr. Ég geng aftur veginn til siðmenningarinnar innan skamms, fer aftur í brjóstahöld og flossa tennur mínar. Það gleður mig að vita að fleiri amazónur búa í heimi þessum, sem fíla saur og sóðaskap.
Já, og til hins doktorsins hér að ofan, ditto, þetta voru beygingarfræðileg mistök sem aðeins Ulrika gat gert, hún er svo léleg í tungumálum og hefur ekki þennan m-þolfallssans sem við hin höfum...og takk fyrir tilvísunina, ég hélt ég kynni utanbókar heilaga ritningu, en alltaf lærir maður eitthvað nýtt.
Ég leyfi mér að bæta við þetta saurblað og vil hrósa Dr. Curly fyrir að berjast gegn ofstækisfullri hýpersiðun ritskoðenda. Mætti ég beina því til Ulriku að ekskrement ýmiss konar hafa löngum verið skrifandi mönnum innblástur:
„Kúkurinn er langlyndur, hann er góðviljaður. Kúkurinn öfundar ekki. Kúkurinn er ekki raupsamur, hreykir sér ekki upp. Hann hegðar sér ekki ósæmilega, leitar ekki síns eigin, hann reiðist ekki, er ekki langrækinn. Hann gleðst ekki yfir siðseminni, en samgleðst dólgshættinum. Hann breiðir yfir allt, trúir öllu, vonar allt, umber allt.“
Í tengslum við málfræðiaðlútandi og biblíulega analtendensa hins kunna ungverska fræðimanns sem opnaði þessa umræðu, þá vil ég benda á héðantengda stúdíu á því sem ég ætla að Dr. Rizdla sé að vísa í.
Lokaorðin eru tileinkuð meltingartruflunum í Kyrrahafi.
Blási lífi garna gull,
göfgi sálir fiska og nefja,
Í ballarhafi bullumdrull
blási lífi, úldið gull.
Kókosblandað kúkasull
ku í vatni illa þefja.
Blási lífi garna gull,
göfgi sálir fiska og nefja.
Þakka gott hljóð.
Bestu kveðjur, Njálgur Hreinsson frá Syðri-Fjósum
Fyrst vil ég segja, Dr.Curly, að mér finnst hneyksli að þú skulir afsaka málfræðinotkun mína að mér óafvitandi. Ég var einmitt vel með á nótunum, hafði lesið greinina sem Njálgur vitnaði í, og neita að snobba fyrir einhverjum fornhellenískum úreltum tuggum. Þið doktorarnir ættuð nú bara að fylgjast aðeins betur með. Og takk fyrir hagyrt og fallegt ljóð um belli, bull og annað sull, Njálgur! Við Curly höfðum lengi beðið eftir að þú létir að þér kveða á þessum vef. Og Dr.Love - af hverju ertu ekki með þætti í útvarpinu lengur?
Post a Comment
<< Home